“Salom, “Barselona” — Evropa ligasi

Kecha UEFA Chempionlar ligasi guruh bosqichi so'nggi tur uchrashuvlari bo'lib o'tdi. “E” guruhida “Barselona” “Bavariya”ga, Kievning “Dinamo”si esa “Benfika”ga mag'lub bo'ldi, bu esa Kataloniya klubiga Chempionlar ligasi pley-off bosqichiga chiqishga to'sqinlik qildi. 

Endi Xavi shogirdlari Evropa ligasida ishtirok etadi. Shu sabab Evropada klublar darajasidagi ikkinchi musobaqa tashkilotchilari tvitteridagi rasmiy sahifasi orqali, “Barsa”ga salom yo'lladi.   

“Salom, “Barselona”, - deyiladi xabarda.

Ma'lumot o'rnida, guruhda 6 uchrashuvda 6 ta g'alaba qozongan “Bavariya” 1-o'rin bilan pley-offga chiqqan o'lsa, “Benfika” 8 ochko bilan ikkinchi bo'ldi. Kataloniyaliklar hisobidagi ochkolar soni esa 7 taligicha qoldi va klub Evropa ligasiga yo'l oldi.