O'n besh yillik orzu ushaldi. "Lill" peshqadam sifatida guruh bosqichini tugatdi

Frantsiyaning amaldagi chempionlari bo'lgan "Lill" klubi o'z tarixida 15 yildagi eng yaxshi natijani qayd etdi. Klub kecha "Volfsburg"ni mehmonda 1-3 hisobida engib, pley-off bosqichiga guruh peshqadami sifatida yo'l oldi.

Klubning oxirgi marta EChLda guruhdan chiqishi 2006-2007 yilgi mavsumga to'g'ri keladi. Shuningdek, "Lill" hujumchi Jonatan Devid jamoa tarixida EChLda uchta uchrashuvda ketma-ket gol urgan ilk futbolchiga aylandi.

Eslatib o'tamiz, "mastiflar" keyingi turni "Lion"ga qarshi o'tkazishadi.