Afsonaviy braziliyalik Pele yana kasalxonaga yotqizildi

Braziliya terma jamoasining sobiq hujumchisi Pele yo'g'on ichakchasidagi o'sma tufayli davolanish uchun shifoxonaga yotqizildi. Bu haqda Reuters axborot agentligi xabar bermoqda.

Qayd etilishicha, 81 yoshli Pelening ahvoli barqaror.

Eslatib o'tamiz, 2021 yil avgust oyida Pele yo'g'on ichakdagi o'simtani olib tashlash bo'yicha operatsiya qilingan edi. Shundan so'ng u San-Paulu shahridagi klinikalardan birida reabilitatsiya kursidan o'tdi.