Mavsum – 2021 yakunlari: “Navbahor”ning mag'lubiyatsiz va “quruq seriyalari

Quyida e'tiboringizga “lochinlar”ning Superliga – 2021da qayd etgan mag'lubiyatsiz va “quruq” seriyalari bilan tanishtiramiz.

Yakunlangan mavsumda “Navbahor” darvozasiga 12 ta o'yinda raqiblar to'p kirita olishmadi.

Albatta, ushbu muvaffaqiyatda jamoa darvozaboni O'tkir Yusupov bilan birgalikda tajribali va mahoratli himoyachilarning ham munosib hissalari bor.

Ta'kidlash joizki, Superliga – 2021da “Navbahor” o'z darvozasidan eng kam to'p o'tkazgan jamoalar ro'yxatida (raqiblar jamoamiz darvozasiga 19 ta gol urishgan) “So'g'diyona” (15 ta) hamda “Paxtakor” (18 ta) klublaridan keyin 3-pog'onani egalladi.

Mavsum – 2021da “lochinlar” ikki marta 6 o'yindan (6-11-turlar, 15-20-turlar), bir marta 4 uchrashuvdan (22-25-turlar) iborat mag'lubiyatsiz seriyani qayd etishdi.

Shuningdek, qatorasiga 2 ta bahsda ham (2-3-turlar) namanganliklar mag'lubiyatga uchramaganligini aytish lozim.

Ta'kidlash joizki, o'tgan mavsumda “lochinlar” hisobida 6 ta o'yindan (15-20-turlar) iborat “quruq” seriya ham mavjud.

Bu esa jamoamiz darvozabonining yuksak mahorati va himoyachilarimizning ishonchli hamda mustahkam himoya qo'rg'onini tashkil etishgani bilan bog'liq.