«Bavariya» va «Yuventus» o'zaro futbolchi almashtirmoqchi

«Bavariya» va «Yuventus» o'yinchi almashishi mumkin. Bu ma'lumotni Abendzeitung nashri tarqatdi.

Manbaga ko'ra, «Bavariya» himoyachi Benjamin Pavarni «Yuventus» yarim himoyachisi Artur Meloga almashtirmoqchi. Kelishuv yanvar oyida amalga oshishi mumkin.

Pavar «Bavariya» murabbiylar shtabi umidlarini oqlamayapti. Arturga kelsak, «Yuventus» qishki transfer oynasida braziliyalik bilan xayrlashishga qarshi emas.