Chempionlar Ligasi "B" guruhidagi o'yinlarga oid statistika va faktlar

Evropa Chempionlar ligasida guruh bosqichi bahslari o'z yakuniga etmoqda. Quyida "B" guruhida bo'lib o'tgan o'yinlarga oid qiziqarli statistika va faktlar bilan tanishishingiz mumkin.

– “Liverpul” EChL guruh bosqichida 100 foizlik natija qayd etgan ilk ingliz klubi bo'ldi;

– Muhammad Saloh EChL bir mavsumi guruh bosqichida 7 ta gol urdi. Bu “Liverpul” uchun rekord natija hisoblanadi;

– Antuan Grizmann “Atletiko”ga qaytgandan keyin EChLning 5 ta o'yinida 4 ta gol urdi;

– “Milan” guruh bosqichida 4 ochko to'pladi. Bu italyan klublari uchun musobaqadagi eng yomon ikkinchi natija. “Roma” 2004/05-yilgi mavsumda 1 ochko to'plagandi;

– Saloh EChLda ketma-ket 7 ta safar o'yinida gol urdi va bu orqali Ronalduning rekordini takrorladi;

– “Atletiko” Diego Simeone davrida 9 urinishdan 8 marta EChL pley-offiga chiqdi. Chiqa olmaganda esa Evropa Ligasini yutgandi;

– Zlatan Ibrahimovich yana EChLda g'olib chiqa olmaydigan bo'ldi. 40 yoshli futbolchi 7 xil klub safida 16 marta musobaqada ishtirok etgan;

– Saloh “Liverpul” safida ketma-ket 5 mavsumdan beri 20+ gol urmoqda. Misrlik futbolchi bu natijani qayd etgan Yan Rash davridan keyingi ilk o'yinchi bo'ldi.