"Nyukasl" Angliya terma jamoasi a'zosi uchun 25 million to'lashga rozi

"Nyukasl" anchadan beri "Atletiko" futbolchisi Kiran Tripperga qiziqib kelayotgan edi. "Northern Echo" nashri xabariga ko'ra, "qarg'alar" ingliz himoyachisi uchun ancha yaxshi narx belgilashi mumkin.

Bu miqdor 25 million funt atrofida bo'lishi mumkinligi aytiladi. Agarda Tripper xaridi amalga oshirilsa, u klub tarixidagi eng qimmat ikkinchi futbolchiga aylanadi.

Ushbu transfer yanvarga mo'ljallangan. Eslatib o'tamiz, Eddi Xau APL so'nggi turida o'zining ilk g'alabasini nishonlagan edi.