"Chelsi" futbolchisi "Bavariya" bilan ham bog'langan

"Chelsi" futbolchisi Antonio Ryudiger boshqa klublar bilan muzokaralar o'tkazmoqda. Xabarlarga ko'ra, himoyachi "Bavariya" bilan ham aloqa qilgan.

Bunda uning akasi va agenti vositachilik qilmoqda. Uning "Real" bilan norasmiy kelishuvga erishgani haqida xabarlar mavjud.

28 yoshli nemis futbolchisi "Chelsi"dan o'z maoshini ko'tarishini so'rayotgan edi. Agar Ryudiger jamoani tark etgudek bo'lsa, "aristokratlar" "Sevilya"dan Jyul Kunde transferini amalga oshirishi aytilgan.