EChL. "Manchester Siti" va "PSJ" o'rin olgan guruhdagi yakuniy vaziyat bilan tanishing

Evropa Chempionlar ligasi guruh bosqichi 6-turidan o'rin olgan uchrashuvda "PSJ" "Bryugge"ni mag'lub etgan bo'lsa (4:1), "Manchester Siti" safarda "Leyptsig"ga imkoniyatni boy berdi (2:1).

So'nggi natijalardan keyin "Man Siti" "A" guruhini 12 ochko bilan birinchi o'rinda yakunladi. Mos ravishda 11 ochko bilan parijliklar 2-pog'onani egallab Chempionlar ligasi 1/8 finaliga yo'l olishdi.

"Leyptsig" 7 ochko jamg'arib guruhda uchinchi o'rinni egalladi. Endi nemis klubi o'z ishtirokini Evropa ligasi pley-off bosqichida davom ettiradi. Belgiyaning "Bryugge" jamoasi esa 6 turda bor yo'g'i 4 ochko to'plab, guruhda so'nggi o'rinni egalladi va evrokuboklardagi ishtirokini yakunladi.