Ikrom Aliboev: “Nasaf” jamoasi haqiqiy irodali o'yin ko'rsatdi”

Koreaning “Tedjon Xana Sitizen” klubi futbolchisi Ikrom Aliboev O'zbekiston kubogi finali haqida o'z fikrlari bilan o'rtoqlashdi. 

- O'zbekiston kubogi menga juda yoqdi. “Nasaf” jamoasi haqiqiy irodali o'yin ko'rsatdi. “Paxtakor”dek kuchli jamoaga qarshi 10 kishi bo'lib o'ynab, hisobda ortda bora turib, mag'lub etgani qahramonlik bo'ldi.

Albatta, tashkilotchilik ham a'lo darajada bo'ldi. Avvalari bunaqa finallarni hech ko'rmagan edim. Agar har yili shunday bayramlar guvohi bo'lsak, muxlislarning ham qiziqishi ortib boradi, futbolimiz bundan faqat yutadi.

“Nasaf” jamoasi va uning muxlislarini g'alaba bilan tabriklayman.