Bobur Abduxoliqov O'zbekiston kubogi finali haqida fikr bildirdi

Belorusning "Energetik-BGU" jamoasi hujumchisi Bobir Abduxoliqov bir necha kun avval bo'lib o'tgan O'zbekiston kubogi final "Paxtakor" – "Nasaf" uchrashuvi (1:2) haqida fikr bildirdi.

"Kubok final uchrashuvini "Dinamo" stadionidan tomosha qildim. "Nasaf" tarbiyalanuvchisiman, albatta ularni qo'llab-quvvatlash uchun kelgan edim. Lekin finalning bunday darajada tantanali o'tishi haloyimga ham kelmagan edi. Tashkilotchilar katta ish olib borgani ko'rindi. Kubokning avtobusda Samarqand bo'ylab sayri, Registon maydonidagi kubok bilan fotosessiya, konsert dasturlari, futbolchilar maydonga chiqib kelishidan oldin o'tgan tadbirlar — barchasi yuqori darajada bo'ldi.

Avvalgi yillar faqatgina futbol uchrashuvini tomosha qilar edim. Endi esa uchrashuv atrofidagi tadbirlarga ham qiziqishim ortdi.

"Nasaf"ning barcha muxlislarini ushbu g'alaba bilan tabriklayman. Jamoa kambek qilib, o'z irodasini namoyish etdi va g'olibga aylandi. "Nasaf" bunga loyiq edi", - dedi Abduxoliqov.