Ramos EChL o'yinini ham o'tkazib yuboradi

Frantsiyaning "L'Équipe" nashri xabar qilishicha, "PSJ" himoyachisi Serxio Ramos Chempionlar ligasi guruh bosqichining so'nggi turida "Bryugge"ga qarshi o'yinni o'tkazib yuboradi. U individual dastur bo'yicha davolanishda davom etmoqda.

Jarohati tufayli 35 yoshli futbolchi parijliklar safidagi debyutini Liga 1ning 15-turida "Sent-Eten" bilan bahsda o'tkazgan edi (3:1). U o'sha uchrashuvda maydonda 90 daqiqa davomida harakat qilgandi.

Eslatib o'tamiz, Ramos va Parij grandi o'rtasidagi shartnoma 2023 yilgacha mo'ljallangan.