"Atletiko"ning ikki himoyachisi "Portu"ga qarshi o'yinda ishtirok etmaydi

"Atletiko" himoyachilari Xose Ximenes va Stefan Savich Chempionlar ligasi guruh bosqichi 6-turidan o'rin olgan "Portu"ga qarshi o'yinni o'tkazib yuboradilar, deya xabar beradi "Diario Sport".

Madridliklar jamoasi bosh murabbiyi Diego Simeonening aytishicha, 26 yoshli urugvaylik Ispaniya chempionatining 15-turi doirasidagi "Kadis"ga qarshi o'yinda (4:1) mushaklaridan olgan jarohatidan forig' bo'lishga ulgurmagan. 16-turda "Malorka" bilan o'yinda mushaklari shikastlangan 30 yoshli chernogoriyalik reabilitatsiya mashg'ulotlarida qatnashadi va fizioterapiya muolajalaridan o'tadi.

Eslatib o'tamiz, "Portu" – "Atletiko" uchrashuvi 7 dekabr, Toshkent vaqti bilan 01:00 da start oladi.