Qozog'iston bosh murabbiyi: "Buni hech kim kutmagandi, Shotlandiyaga yana gol urishimiz mumkin edi"

Qozog'iston terma jamoasi bosh murabbiyi Mixal Bilek Evro-2020 sarashida Shotlandiya ustidan qozonilgan yirik hisobdagi g'alabadan so'ng (3:0) fikrlari bilan o'rtoqlashdi

"G'alaba qozonganimizdan xursandmiz. O'yinni yaxshi boshladik va ikkita gol urdik. Mashg'ulotlardagi ishlarimiz yordam berdi. Munosib g'alaba qozondik, deb o'ylayman.

Hech kim buni kutmagandi. Ammo o'yin davomida yana gol urishimiz mumkin edi. Shuning uchun hammasi joyida.

Rossiyadan 2012 yilgi mag'lubiyat uchun revansh? Ha, biz 4:1 hisobida yutqazgan edik. Uni uzoq vaqt eslab yurdim. Navbatdagi o'yinda ham yaxshi natijaga erishmoqchimiz. Rossiya jahon chempionatini a'lo darajada o'tkazdi. Ammo vaqt o'tdi, ba'zi o'yinchilari faoliyatlarini yakunladilar. Rossiya o'yinini tahlil qilib, xulosa chiqaramiz", - deydi Bilek.