“Real” Azarga narx belgiladi

“Real Madrid” nihoyat belgiyalik yarimhimoyachi Eden Azardan voz kechishga qaror qildi va uni qishki transfer oynasida sotishga umid qilmoqda. 

AS nashri jurnalistlarining fikricha, transfer yanvar oyidayoq rasmiylashtirilishi mumkin. “Qaymoqranglilar” yarimhimoyachining transferidan naqd pul ishlab olmoqchi. Ispaniya grandi uning sotuvidan 25 million evro ishlab olmoqchi.

Futbolchiga Londonning “Vest Xem” va “Nyukasl” klublari qiziqish bildirmoqda.

Edenning “qirollik klubi” bilan shartnomasi 2024 yilning yoziga qadar amal qiladi. Belgiyalik futbolchi La Liganing joriy mavsumida o'nta uchrashuvda faqat bitta golli uzatmani amalga oshirdi.