Garet Beyl safga qaytdi

Madridning “Real” klubi vingeri Garet Beyl safga qaytdi. Bu haqda "TMW" nashri xabar berdi.

Ma'lumotlarga ko'ra, uelslik futbolchi allaqachon jamoa bilan umumiy guruh mashg'ulotlarida qatnashgan va 7 dekabr kuni bo'lib o'tadigan "Inter"ga qarshi Chempionlar ligasi o'yinida ishtirok etishi mumkin.

Eslatib o'tamiz, noyabr oyi o'rtalarida 32 yoshli futbolchi Uels terma jamoasining JCh-2022 saralashidan o'rin olgan Belarusga qarshi o'yinida (5:1) boldiridan jarohat olgan edi.

Garet joriy mavsum Ispaniya chempionatida “Real” safida 3 ta o'yin o'tkazdi va bitta gol urdi.