Allegri: «Yuventus» — vaziyatlardan foydalanish bo'yicha A seriyaning eng yomon klubi»

«Yuventus» bosh murabbiyi Massimiliano Allegri Italiya A seriyasining 16-turi doirasida bo'lib o'tgan «Jenoa»ga qarshi o'yin (2:0) borasida o'z fikrini bildirib o'tdi.

«Vaziyatlarni golga aylantirish ko'rsatkichimizni yaxshilashimiz kerak (bu o'yinda "Yuve" 27ta zarba bergan bo'lsa, ularning 12tasi darvozaga aniq bordi). O'ylashimcha, ushbu ko'rsatkich bo'yicha A seriyaning eng yomon jamoasimiz. Klubimizning bugungi o'yinini tomosha qilish bugun menga yoqdi. Biz raqib darvozasi oldidagi samaradorlikni yaxshilashimiz zarur.

Bugun muhim g'alabani qo'lga kiritdik. Hozirda biz jadvalda «Fiorentina» bilan birgalikda 5-o'rinni egallab turibmiz. Kuchli to'rtlik esa hozirda juda yaxshi o'ynamoqda va o'z pozitsiyalariga mos o'rinni egallab turishibdi», — dedi Allegri.