Mbappe "Real" o'tishi amalga oshmay qolgani haqida fikr bildirdi

"PSJ" hujumchisi Kilian Mbappe o'tgan yozda "Real Madrid"ga o'tmagani haqidagi fikrlari bilan o'rtoqlashdi.

"Bu qiyin savol. Kelajagim qanday bo'lishidan qat'iy nazar, men top-klubda o'ynashda davom etaman. Avvaliga "Real"ga o'tmaganim tufayli biroz xafa bo'ldim, ammo hozir "PSJ"da ekanligimdan hursandman", – deya Mbappening so'zlaridan iqtibos keltirgan jurnalisti Fabritsio Romano o'zining Twitter sahifasida.

Joriy mavsumda 22 yoshli Mbappe PSJ safida barcha turnirlarda 21 ta o'yin o'tkazib, 9 ta gol urdi va 13 ta golli uzatmani amalga oshirdi. Uning klub bilan shartnomasi 2022 yilning yoziga qadar amal qiladi.