Gollandiya termasi "Feyenoord" stadionida 2002 yildan buyon yutqazmayapti

Gollandiya terma jamoasi o'z maydonida Evro-2020 saralashi doirasida Belarus termasini tor-mor qildi - 4:0.

"Uchar gollandlar" "Feyenoord" stadionidagi mag'lubiyatsiz seriyasini 25 ta o'yinga etkazdilar (20 g'alaba, 5 durang), bu 2002 yilning mart oyidan boshlangan. Bu milliy terma jamoaning bir stadiondagi mag'lubiyatsiz o'yinlar rekordining takrorlanishi bo'ldi.

1967 yilning noyabridan 1982 yilning sentyabrigacha bo'lgan muddatda ham Gollandiya Rotterdamdagi stadionda 25 ta mag'lubiyatsiz o'yin o'tkazgan edi.