"Tottenxem" Dembele uchun kurashga qo'shildi

Ispaniyaning "Mundo Deportivo" nashri Londonning “Tottenxem” klubi “Barselona”ning frantsiyalik hujumchisi Usmon Dembelega navbatdagi da'vogarga aylangani haqida yozdi.

Manbaning xabariga ko'ra, ingliz klubi futbolchini "Barselona" bilan shartnomasi tugagach, yozgi transfer oynasida qo'lga kiritmoqchi. Shuningdek, futbolchiga “Nyukasl” va “Manchester Yunayted” ham faol qiziqish bildirmoqda.

Joriy mavsumda 24 yoshli Dembele "Barselona" safida barcha turnirlarda to'rtta o'yin o'tkazdi, ammo samarali harakatlari bilan ajralib turmadi.

Manba: Soccernews.ru