Fati "Bavariya"ga qarshi o'yinni o'tkazib yuboradi

"Barselona" hujumchisi Ansu Fati "Bavariya"ga qarshi Chempionlar ligasi guruh bosqichi 6-turini o'tkazib yuboradi, deb xabar beradi "AS" nashri.

Manba bergan xabarga ko'ra, 18 yoshli ispaniyalik ikki haftadan so'ng maydonga qaytishi va Ispaniya chempionati 18-turidan o'rin olgan "Elche" bilan o'yinda maydonga tushishi mumkin.

Eslatib o'tamiz, yarim himoyachi chempionatning 13-turidan o'rin olgan "Selta"ga qarshi o'yinda (3:3) chap sonning bitseps mushaklaridan olgan jarohatidan tiklanishda davom etmoqda.

Qayd etish joiz, "Bavariya" - "Barselona" o'yini 8 dekabr kuni Toshkent vaqti bilan 01:00 da start oladi.