Pioli «Milan»ning A Seriyadagi etakchiligi haqida o'z fikri bilan o'rtoqlashdi

"Milan" bosh murabbiyi Stefano Pioli Italiya chempionatining 16-turida "Salernitana"ni mag'lub etganidan so'ng (2:0) "rossoneri"ning A Seriyadagi etakchiligi haqidagi fikrlari bilan o'rtoqlashdi.

"Mavsum oldidan turnir jadvalining yuqori qismida juda qiyin kurash bo'lishini bashorat qilgandim. To'g'risi, bundan ham qiyinroq bo'lishini va "Yuventus", "Roma" va "Latsio" kuchli to'rtlikka yaqinroq bo'lishini kutgandim. Chempionatda hamma narsani jamoa hal qiladi.

Biz ketma-ket ikkinchi mavsumni juda kuchli boshladik, ammo baribir bizga barqarorlik etishmayapti”, dedi italiyalik mutaxassis.