Portugaliyalik jurnalist "Oltin to'p" uchun ovoz berishda Ronalduni beshlikka ham kiritmagan

Bu yilgi “Oltin to'p” sohibini aniqlash uchun ovoz berishda qatnashgan butun dunyo jurnalistlari kimlarga ovoz bergani ma'lum bo'ldi.

Qiziqarli jihati shundaki, portugaliyalik jurnalist ovoz berishda o'z hamyurti Krishtianu Ronalduni kuchli beshlikka ham kiritmagan va Ngolo Kanteni sovringa loyiq deb hisoblagan. Undan keyin esa Robert Levandovski, Kilian Mbappe, Jorjino va Muhammad Salohga ovoz bergan.

Eslatib o'tamiz, Messi ovoz berish jarayonida g'olib chiqdi va faoliyatida ettinchi marta “Oltin to'p”ni qo'lga kiritdi.