Mourino «Inter»ga qarshi o'yindagi yirik mag'lubiyatga izoh berdi

"Roma" bosh murabbiyi Joze Mourino Italiya chempionatining 16-turi doirasida bo'lib o'tgan "Inter"ga qarshi o'yin (0:3) borasida o'z fikrini bildirib o'tdi.

"Inter" odatiy holatda bizdan kuchliroq, noodatiy holatda esa ancha kuchli. O'tgan mavsumda "neradzurri" "Roma"ga nisbatan 29 ochko jamg'argandi.

Bugun koronavirus va diskvalifikatsiyalar tufayli ahvolimiz ancha og'ir edi. Yuzaga kelishi mumkin bo'lgan 2-3ta vaziyatdan foydalanish kerak edi. O'yinda 3ta vaziyat yaratdik, ammo gol ura olmadik.

Biz kabi himoyasi mustahkam yo'lga qo'yilgan jamoa bunday gollarni o'tkazib yuborishi kerak emas, ayniqsa, birinchi va uchinchi gollarni oson qo'yib yubordik.

Referi yaxshi ishladi. Kristantega sariq kartochka bersa ham bo'lardi. Bizning klub A seriyadagi eng intizomsiz jamoa. Sariq kartochkalar borasidagi statistikamiz ajoyib.

"Inter"ni tabriklayman va "Real"ga qarshi o'yinda omad tilayman. Barchaga rahmat", – dedi Mourino.