ESPN O'zbekiston nomidan «Oltin to'p» so'rovnomasida ishtirok etgan jurnalist ustidan kuldi

"France Football"ning "Oltin to'p" sovrini uchun dunyo bo'ylab jurnalistlar ovoz berishdi. AQShning ESPN nashri ayrim mamlakatlar nomidan berilgan ovozlar ustidan kuldi. Ular orasida O'zbekiston nomidan berilgan ovozlar ham qayd etilgan. Bunga O'zbekiston futbol assotsiatsiyasi matbuot xizmati rahbari Davron Fayziev ovoz berdi.

"Ushbu postga muxlislar munosabat bildirib, «siz bermasmidiz ovoz?» deb yozishmoqda. Aniqlik kiritaman, men "Oltin to'p" so'rovida ovoz bermayman.

FIFAning The Best so'rovnomasida ovoz beraman.

"Oltin to'p"da O'zbekiston nomidan ovoz berayotgan Grigoriy Rtveladze bilan shaxsan tanish emasman. Bilamanki, ancha yillar avval u O'FFda ishlagan. Hozir sport jurnalisti sifatidagi faoliyati haqida ma'lumotim yo'q. Menimcha, bu vaziyatda u pochtaga France Football’dan kelgan xatga javoban vaziyatni yozib yuborishi kerak. Balki yurtimizning biror obro'li sport jurnalistini tavsiya qilishi kerak.

Chunki ESPN kabi nufuzli kompaniyaning 2 million obunachiga ega sahifasi bizning mamlakat vakili bergan ovoz ustidan kulishi yaxshi emas, albatta", — deya yozdi Davron Fayziev o'zining telegramdagi kanali orqali.