A Seriya. Shomurodov to'liq o'ynagan o'yinda "Inter" yirik hisobda "Roma"ni mag'lub etdi

Italiya chempionati 16-turidan o'rin olgan markaziy bahs yakuniga etdi. Rimdagi "Olimpiko" stadionida bo'lib o'tgan "Roma" – "Inter" qarama-qarshiligida milanliklar yirik 3:0 hisobida g'alaba qozonishdi.

Dastlab, Xakan Chalxanoglu o'yinning 15-daqiqasida burchakdan to'g'ri to'pni darvoza to'riga joylab qo'ydi. 25-daqiqada Edin Jeko "neradzurrilar" ustunligini mustahkamlagan bo'lsa, 39-daqiqada Denzel Dumfris hisobni yirik 3:0 ko'rinishiga keltirdi. Yakunda hisob o'zgarmadi – 3:0.

Ushbu uchrashuvdan so'ng "Inter" hisobidagi ochkolarni 37 taga etkazib oldi va turnir jadvalining 2-o'rniga joylashdi. "Roma" 25 ochko bilan 5-pog'onada.

Italiya, A Seriya, 16-tur

"Roma" – "Inter" – 0:3 (0:3,0:0)

Gollar: 15 - Chalxanoglu, 25 - Jeko, 39 - Dumfris.

Roma – Ruy Patrisiu, Rodjer Ibanes, Vinya, Smolling, Manchini, Kumbulla (Bove, 61), Kristante, Veretu (Volpato, 90+1), Mxitaryan, Shomurodov, Dzanolo

Inter – Xandanovich, Dyumfris, D`Ambrozio, Shkrinyar, Bastoni (Dimarko, 76), Xakan Chalxanoglu (Sensi, 84), Barella (Vidal, 59), Brozovich, Djeko (Vesino, 76), Perishich, Korrea (Sanches, 59)