Konte: "Biz uni saqlab qolish uchun hamma narsa qilamiz"

"Tottenxem" bosh murabbiyi Antonio Konte darvozabon Ugo Lorisni jamoada saqlab qolmoqchi ekanligini aytdi.

“Klubda ishlaganimga atigi bir oy bo'ldi. Albatta, klubda hal qilinishi kerak bo'lgan narsalar ko'p. Ugo - jamoa sardori, yuqori darajadagi darvozabon. Biz eng yaxshi natijalarni ko'rsatishga harakat qilayotganimizni juda yaxshi biladi. U bilan hali shartnoma borasida gaplashishga ulguramiz. Lorisni hurmat qilaman va jamoa uchun muhim futbolchi ekanligini bilaman. Biz uni saqlab qolish uchun qo'lmizdan kelgan hamma narsani qilishga harakat qilamiz", – dedi Konte "Evening Standard" nashriga bergan intervyusida.

Joriy mavsum Loris "shporlar" safida 14 o'yinda maydonga tushib, 19 gol o'tkazib yuborgan.

Manba: Sport-Express.ru