"Arsenal" Frantsiya chempionatining eng yaxshi to'purariga qiziqmoqda

“Lill” hujumchisi Jonatan Devid faoliyatini Angliyada davom ettirishi mumkin, deya xabar beradi "Standard" nashri.

Ma'lumotlarga ko'ra, "Arsenal" 21 yoshli kanadalik futbolchini o'z safiga qo'shib olishni maqsad qilgan. Oldinroq londonliklar "Everton' hujumchisi Dominik Kalvert-Lyuinni sotib olmoqchi edi, biroq Frantsiya chempionatining eng yaxshi to'purari klub uchun munosib nomzod deb topildi.

Joriy mavsumda Devid umumiy hisobda 22 ta o'yin o'tkazib, 12 ta gol urgan. "Transfermarkt" portali futbolchining narxini 35 million evroga baholamoqda.

Manba: Sport-Express.ru