"Nyukasl" Azar uchun necha million evrodan voz kechishi mumkinligi e'lon qilindi

"Nyukasl" "Real" yarim himoyachisi Eden Azarni sotib olmoqchi. Ingliz klubi 30 yoshli belgiyalik futbolchi uchun 40 million evro to'lashga tayyor, deb xabar beradi "El Nacional" nashri.

Ispaniya chempionatining joriy mavsumida Azar “Real” safida 10 ta o'yinda maydonga tushib, atigi 1 ta golli uzatmani amalga oshirgan.

Azarning Madrid klubi bilan shartnomasi 2024 yilning iyunigacha amal qiladi. Transfermarkt portali futbolchining narxini 25 million evroga baholamoqda.