"Sevilya" futbolchisi jiddiy jarohat oldi

  "Sevilya" hujumchisi Erik Lamela mashg'ulotlarda elkasidan jiddiy jarohat oldi. Shu tufayli u to'rt oyga safdan chiqdi, deb xabar beradi AS.

Shu haftada u klub shifokorlari tomonidan operatsiya qilinadi. U mart oyi o'rtalarida mashg'ulotlarga qaytishi mumkin.

Joriy mavsumda argentinalik futbolchi “Sevilya” safida 16 ta o'yin o'tkazib, 4 ta gol urgan.