Saloh “Oltin to'p” haqida gapirishni istamadi

“Liverpul” etakchisi Muhammad Saloh britaniyalik jurnalistlar bilan suhbatda bo'ldi. Suhbat davomida misrlik hujumchidan bu yilgi “Oltin to'p”ning natijalari haqida so'rashdi. 

“Oltin to'p”? Bu masala bo'yicha hech qanday izoh yo'q”, - deya fikr bildiradi afrikalik forvard.

Eslatib o'tamiz, ovoz berish natijalariga ko'ra, 29 yoshli hujumchi ettinchi o'rinni egalladi. Nufuzli sovrinni Lionel Messi qo'lga kiritdi.

Angliya chempionatining joriy mavsumida Saloh 14 ta o'yinda maydonga tushib, 13 ta gol va 8 ta golli uzatmaga mualliflik qilgan.