Benites “Everton”dan ketishi mumkin

Ispaniyalik mutaxassis Rafael Benites “Everton” bosh murabbiyi lavozimidan bo'shatilishi mumkin. Angliya chempionatining so'nggi o'yinida “irislar” “Liverpul”ga 1:4 hisobida mag'lub bo'ldi.

Eslatib o'tamiz, Benites qo'l ostida “Everton” ketma-ket sakkizta o'yindan beri g'alaba qozona olmayapti. Jamoa ikkita durang va oltita mag'lubiyat qayd etgan. So'nggi g'alaba 25 sentyabrda “Norvich”ni mag'lubiyatga uchratgan (2: 0) holda qo'lga kiritgandi.

Yaqin kunlarda klub rahbariyati yig'ilish o'tkazib, unda bosh murabbiy taqdiri hal bo'ladi.

Ispaniyalik mutaxassis joriy mavsum boshlanishi arafasida “Everton”ni qabul qilib, 2024 yilning yoziga qadar shartnoma imzoladi.