«Barselona» rahbariyati Dembele bilan shartnoma uzaytirmoqchi

Kataloniyaning «Barselona» klubi frantsiyalik vinger Usmon Dembele bilan hamkorlikni uzaytirishdan manfaatdor. Bu haqda jurnalistlar bilan suhbatda «ko'k-anorranglilar» vakili Ferran Reverter ma'lum qildi. 

«Bizda bu futbolchi bilan shartnomani uzaytirish imkoniyati bor. Biroq, bu kutilganidan ko'proq vaqt talab qilishi mumkin. Hozircha vaziyat quyidagicha. Klub ishlamoqda», - deya xabar beradi kataloniyaliklar ijrochi direktori.

Oldinroq «Barselona» Dembelega ultimatum qo'ygani xabar qilingandi.

Futbolchining klub bilan amaldagi mehnat shartnomasi 2022 yilning yozida yakuniga etadi.