«Borussiya» «Bavariya»ga qarshi o'yin oldidan chiptalar miqdorini kamaytiradi

Ushbu dam olish kunlari Germaniya Bundesligasida printsipial to'qnashuv bo'lib o'tadi. Unda «Borussiya Dortmund» «Bavariya»ga qarshi o'yin o'tkazadi.

«Asalarilar» muxlislarning an'anaviy tarzda kuchli qo'llab-quvvatlashlariga ishonadi, ammo Germaniyadagi epidemiologik vaziyatning yomonlashishi ko'plab ishqibozlarning stadionga kirishlariga yo'l qo'ymaydi.

Kicker xabariga ko'ra, «Borussiya» dastlab «Bavariya»ga qarshi o'yin uchun tayyorlangan 67 000 ta chiptaning barchasini bekor qilgan.

Ammo bu o'yin bo'sh tribunalarda o'tkaziladi degani emas. Yaqin vaqt ichida rasmiylar stadion sig'imi bo'yicha qaror qabul qiladi, shundan so'ng «Borussiya» chiptalar miqdorida aniq bir qarorga kelishi mumkin. 

Ma'lumot uchun, «Borussiya» va «Bavariya» o'rtasidagi o'yin 4 dekabr kuni bo'lib o'tadi.