«Dinamo» PFK futbol maktabi zamonaviy ko'rinishga keladi

Samarqand shahar Charxin qo'rg'onida joylashgan «Dinamo» PFK tasarrufidagi bolalar-o'smirlar futbol maktabida so'nggi bir oydan ortiq vaqtdan buyon keng ko'lamdagi o'zgarishlar amalga oshirilmoqda.

Klub homiysi «Agromir Buildings» tomonidan maktab administrativ binosi to'liq yangidan rekonstruktsiya qilinib, futbol maktabi va «Dinamo» PFK klubi uchun standart hajmdagi tabiiy va sun'iy futbol maydoni tayyorlanmoqda.

Rejaga ko'ra, «Dinamo» jamoasi qishki yig'inni ushbu sun'iy maydonda boshlashi uchun qurilish ishlari avjiga chiqqan.