«France Football» 2020 yilgi «Oltin to'p»ni Levandovskiga topshirishi mumkin

"France Football" bosh muharrari Paskal Ferre nashr 2020 yilgi «Oltin to'p»ni «Bavariya» hujumchisi Robert Levandovskiga topshirish mumkinligini inkor qilmadi.

Eslatib o'tamiz, 2021 yil yakunlari bo'yicha «Oltin to'p» «PSJ» forvardi Lionel Messi topshirildi. Argentinalik futbolchi so'rovnoma natijasida polshalik o'yinchini biroz ortda qoldirdi. O'tgan yili esa nashr koronavirus pandemiyasi tufayli ushbu sovrinni hech kimga topshirmaslikka qaror qilgandi.

«Messi aytgan fikr yoqimli va aql bilan aytilgan. O'ylashimcha, shoshma-shosharlik bilan qaror qabul qilmasligimiz kerak. Biz bu haqda o'ylab ko'rishimiz mumkin. Shuningdek, «Oltin to'p» g'olibi so'rovnoma yordamida aniqlanish an'anasini hurmat qilishimiz zarur. 2020 yilda kim sovringa munosib ekanini bilmaymiz, chunki so'rovnoma o'tkazmadik. Ammo, ochig'ini aytsam, o'tgan yili Levandovski g'alaba uchun ajoyib imkoniyatga ega bo'lgandi», — dedi Ferre.

Manba: sport24.ru