"Real" tez orada Modrichga yangi shartnoma taklif qiladi

Madridning “Real” klubi joriy mavsum yakunlanganidan so'ng xorvatiyalik 36 yoshli yarim himoyachi Luka Modrichni o'z safida qoldirishni rejalashtirmoqda.

Italiyalik jurnalist Fabritsio Romanoning yozishicha, "qirollik klubi" yaqin haftalarda Modrichga yangi shartnoma taklif qiladi.

Ma'lumotlarga ko'ra, yangi kelishuv 2023 yilgacha tuziladi. Har ikki tomon ham shartnomani uzaytirishdan manfaatdor.

Eslatib o'tamiz, Modrichning "Real" bilan amaldagi shartnomasi joriy mavsum oxirigacha tuzilgan.