«Lids» etakchisi faoliyatini «Liverpul»da davom ettirishi mumkin

«Lids» va Angliya terma jamoasi yarim himoyachisi Kalvin Fillips «Liverpul»ning qiziqish doirasiga tushib qolgan. Potentsial transfer 40 million evroga baholanmoqda. Fillipsning «tovuslar» bilan shartnomasi 2024 yilgacha mo'ljallangan.

Avvalroq Kalvinga «Manchester Yunayted»da faol ravishda qiziqish bildirgan, ammo futbolchining o'zi «Lids»ning eng ashaddiy «dushmani» safiga o'tish istagini bildirmagan edi. Filips joriy mavsumda Angliya premer-ligasida 10 ta o'yin o'tkazdi va bitta golli uzatmani amalga oshirdi.