Italiya klubi himoyachisi jamoasini o'zgartirishi mumkin

"Torino" himoyachisi Armando Itstso faoliyatini boshqa klubda davom ettirishi mumkin, deya xabar beradi jurnalist Nikolo Skira.

Manba bergan xabarga ko'ra, "Kalyari" 29 yoshli italiyalik futbolchi uchun asosiy da'vogar bo'lib turibdi. Sardiniyaliklar bosh murabbiyi Valter Matstsari klub rahbariyatidan futbolchi ijaraga olishni so'radi.

Joriy mavsumda Itstso “Torino” tarkibida 4 ta o'yinda maydonga tushdi. Transfermarkt portali futbolchining narxini 10 million evroga baholamoqda.