Neymar qancha muddatga safdan chiqqanligi ma'lum

"Pari Sen-Jermen"ning braziliyalik hujumchisi Neymar jarohati sabab 6-8 haftani o'tkazib yuboradi, deb xabar beradi parijliklar matbuot xizmati.

Hujumchi Frantsiya chempionatining 15-turi doirasidagi “Sent-Eten”ga qarshi o'yinda (3:1) jarohat oldi. Braziliyalik o'yinning 84-daqiqasida to'pig'ini qayrib olgach, maydonni zambilda tark etdi.

Joriy mavsumda Neymar parijliklar safida 14 ta uchrashuvda qatnashib, 3 ta gol urishga erishdi.