"Yuventus" etakchisi ushbu yil boshqa maydonga tushmaydi

“Yuventus” hujumchisi Federiko Keza jarohati sabab ushbu yilda boshqa maydonga tusha olmaydi. Bu haqda Turin jamoasi bosh murabbiyi Massimiliano Allegri ma'lum qildi, deya xabar beradi "Sky Sports Italia" nashri.

Ma'lum bo'lishicha, italiyalik futbolchiga sonning qo'shimcha mushaklarining yorilishi tashxisi qo'yilgan.

Keza joriy mavsumda “Yuventus” safida barcha turnirlar doirasida 16 ta o'yin o'tkazib, 3 ta gol urdi va 3 ta golli uzatmani amalga oshirdi.

Manba: Sport-Express.ru