Dragan Cheran ketma-ket uch bor to'purar bo'lgan birinchi futbolchi

"Paxtakor"ning serbiyalik legioneri Dragan Cheran O'zbekiston chempionati rekordini o'rnatdi.

U ketma-ket uch mavsum to'purarlikka erishgan birinchi o'yinchiga aylandi. Shuningdek, u yakka holda to'purar bo'lgan birinchi futbolchi bo'ldi. Bungacha ayni paytda klub sport direktori sifatida ishlab kelayotgan Ja'far Irismetov uch bor to'purarlikka erishgan yagona futbolchi bo'lib turgandi. Faqat Irismetov bir mavsumda Oleg Shatskix bilan birga to'purar bo'lgandi. Shu tariqa Cheran bu borada ham rekord natija qayd etdi. "Paxtakor" tarkibida Dragan Superligada 91 o'yinda 63 gol muallifiga aylandi. Jamoa uchun urgan jami gollari soni 91taga etdi. O'zbekiston chempionatida esa Cheran 97 gol muallifiga aylanib ulgurdi. "Nasaf" va "Paxtakor"dagi faoliyati davomida serbiyalik legioner jami 121 gol muallifiga aylandi.