«Yuventus» bunga umid qilmoqda

Turinning «Yuventus» klubi shvetsiyalik yarim himoyachi Deyan Kulusevskidan qutulmoqchi, deb xabar beradi Calciomercato.

Manbaning xabariga ko'ra, Italiya klubi futbolchini qishki transfer oynasida 35 million evro evaziga sotishga tayyor. «Yuventus» bosh murabbiyi Massimiliano Allegri futbolchini transfer qilishga rozi.

Joriy mavsumda 21 yoshli Kulusevski «Yuventus» safida barcha turnirlarda 17 ta o'yin o'tkazib, bitta gol va bitta golli uzatmani amalga oshirdi. Uning klub bilan shartnomasi 2025 yilning yoziga qadar amal qiladi.