O'zbekiston terma jamoasi yana bir o'rtoqlik uchrashuvini o'tkazadi

 Qishki yig'in davomida O'zbekiston milliy terma jamoasi Yangi Zelandiyaga qarshi o'rtoqlik uchrashuvi o'tkazadi

OFK kalendariga muvofiq, fevral oyidagi milliy terma jamoalar uchun belgilangan FIFA kunlarida O'zbekiston milliy terma jamoasi Dubay shahrida o'quv-mashg'ulot yig'ini o'tkazishni rejalashtirgan.

Ushbu yig'in davomida vakillarimiz Yangi Zelandiya milliy terma jamoasi bilan o'rtoqlik uchrashuvida maydonga tushadi. Mazkur bahs 2022-yil 1-fevral kuni bo'lib o'tadi.