Devid Moyes o'z shogirdi harakatini yuqori baholadi

"Vest Xem" ustozi Devid Moyes jamoa futbolchisi Manuel Lansini haqida fikr bildirdi. U "Man Siti"ga qarshi bahsdan keyin shunday deydi:

"Manuelning o'yinini e'tirof etish lozim. U bahsga faol qo'shildi va jamoamiz hujumlarida yaxshi qatnashdi. U "Aston Villa"ga qarshi bahsda ham zo'r harakat qilgan edi. Lansini borgan sari doimiy futbolchiga aylanib bormoqda. Bu esa uni sport formasiga ijobiy ta'sir qiladi. Men undan xursandman. Menimcha, u jamoaning asosiy futbolchilari qatorida bo'lishi lozim. Bugungi o'yindagi goli u uchun bonus edi".

"Vest Xem" kelasi turda "Brayton"ni mehmon qiladi.