Urugvay terma jamoasi murabbiyligiga nomzod paydo bo'ldi

Nikolo Skiraning xabar berishicha, "River Pleyt" bosh murabbiyi Marselo Galyardo jamoani tark etishi mumkin.

Ma'lumotlarga ko'ra, Urugvay terma jamoasi 45 yoshli argentinalik mutaxassisga da'vogarlik qilmoqda. Mamlakat futbol federatsiyasi murabbiy bilan yaqin orada muzokaralarni boshlaydi. Ma'lum qilinishicha, tomonlar 2024 yilgacha bo'lgan shartnoma imzolashi mumkin.

Eslatib o'tamiz, Galyardo "River Pleyt"ni 2014 yildan beri boshqarib keladi. Uning qo'l ostida jamoa Argentina chempioni, uch karra mamlakat kubogi sohibi, shuningdek, Libertadores kubogining ikki karra g'olibi bo'ldi.