Ronaldu «Manchester Yunayted» va «Chelsi» o'rtasidagi durangga keskin munosabat bildirdi

«Manchester Yunayted»ning portugaliyalik hujumchisi Krishtianu Ronaldu APL 13-turidan o'rin olgan «Chelsi»ga qarshi o'yindagi durang (1:1) haqida fikr bildirdi.

«Hali oldinda uzoq yo'l bor va «Manchester Yunayted»da o'ynasang, imkonsiz narsa yo'q. Biz maqsadlarimiz sari oxirigacha boramiz!», - deb yozdi Ronaldu instagram sahifasida.

Joriy mavsumda 36 yoshli Ronaldu 16 o'yin o'tkazib, 10 ta gol urdi va 2 ta golli uzatmani amalga oshirdi. Uning ingliz klubi bilan shartnomasi 2023 yilning yoziga qadar amal qiladi.