"Barselona" uni 30 million evroga berib yuboradi

"Barselona" Filipe Koutinoga qishda javob bermoqchi. "El Nacional" nashrida aytilishicha, "Barsa" katta maoshli, ammo jamoaga foydasiz bo'lgan braziliyalik futbolchini jamoadan "badarg'a" qilish niyatida.

Hozirda unga eng jiddiy da'vo qilayotgan klub "Nyukasl" hisoblanadi. Futbolchi bir necha hafta ilgari Angliyadan kelgan taklifni rad etgandi.

Bunga asosiy sabab qilib, "Nyukasl"ning xavfli o'rinda turgani va klubning quyi ligaga tushib ketish xavfi borligi ko'rsatilgan. Koutino taxminan 30 million evroga baholanishi aytilgan.