"Inter" himoyachisi bilan yangi shartnoma borasida kelishib oldi

Himoyachi Federiko Dimarko tez orada "Inter" bilan shartnomasini uzaytirishi kutilmoqda, deya xabar beradi "Calciomercato" nashri.

Tomonlar 2026 yilning iyunigacha uzaytiriladigan yangi shartnoma bo'yicha kelishib oldilar. Yangi kelishuv bo'yicha futbolchining maoshi yiliga 1,6 million evroni tashkil qiladi.

Joriy mavsumda 24 yoshli Dimarko “neradzurri” safida 17ta o'yin o'tkazib, 2ta gol va 2ta golli uzatmaga mualliflik qilgan.