«MYu» veb-sayti yangi bosh murabbiy nomini e'lon qilib, keyin xabarni o'chirdi

«Manchester Yunayted» rasmiy sayti jamoaning sobiq hujumchisi Ole-Gunnar Sulsher («Molde») bosh murabbiy vazifasini bajaruvchi etib tayinlangani haqida xabar tarqatdi.

Mankunianliklar Sulsherning EChL-1999 finalida urgan g'alaba goli videosini saytga joylab: «Sulsher "Kamp Nou" ushbu golni urib, jamoa treblga erishgan o'sha mavsumdan 20 yil o'tib, u bizning bosh murabbiyimiz vazifasini bajaruvchisiga aylandi», — deya izoh qoldirdi.

Ammo ko'p o'tmasdan ushbu xabar saytdan o'chirildi.

Norvagiya bosh vaziri Erna Sulberg Tvitter orqali Sulsherni tabriklashga ulgurdi: «Norvegiya futboli uchun buyuk kun. "Qizil iblis"lar boshqaruvida omad tilayman». Tvit esa keyinchalik o'chirildi.